Sylw DBCC-4349

Nid yw'r ffiniau arfaethedig yn eu ffurf bresennol yn ddim llai na sarhad ar ddemocratiaeth. Nid yw’n ddim llai na diffyg synnwyr llwyr bod Caernarfon a'r Drenewydd, neu Aberystwyth a Dinbych-y-pysgod yn yr un etholaeth. Ni allaf ond dod i’r casgliad bod y cynigion hyn wedi'u llunio mewn swyddfa gan bobl heb unrhyw brofiad o deithio ac ymweld â'r cymunedau y maent yn bwriadu effeithio arnynt drwy’r newidiadau hyn.

Nodaf hefyd y newidiadau eithafol i ffiniau presennol gogledd-orllewin Cymru o gymharu â'r newidiadau cyfyngedig yn y de-ddwyrain.

Nid yw hyn yn syndod, gan nad oes unrhyw un o ogledd Cymru ar eich comisiwn, sydd wedi’i staffio’n gyfan gwbl gan unigolion nad oes ganddynt unrhyw ddealltwriaeth o ogledd Cymru, ac mae’n cael ei gadeirio gan ddynes o Swydd Lincoln ac yn cynnwys sawl aelod o fannau pellennig yn Lloegr, ac eto dim un o ogledd Cymru. Dylai'r ffaith hon yn unig annilysu eich cynigion.

Yn wir, dylai’r comisiwn ateb yn gyhoeddus y cwestiwn a yw’r unigolion sy’n gyfrifol am y cynnig hwn wedi ymweld yn bersonol â’r aneddiadau y mae’r newidiadau hyn yn effeithio arnynt. A ydynt wedi teithio'n helaeth i gael dealltwriaeth bersonol, uniongyrchol o'r economïau a'r cysylltiadau trafnidiaeth rhwng y trefi hyn? A ydynt wedi cyfweld a chasglu data gan y dinasyddion sy'n byw eu bywydau yn yr ardaloedd hyn i ddeall eu barn ar y cynigion hyn? Rwy'n hyderus iawn nad ydynt, oherwydd pe baent wedi gwneud hynny, byddent wedi gweld pa mor wirion yw'r newidiadau hyn. Pe bai’r newidiadau hyn yn mynd rhagddynt yn eu ffurf bresennol byddai’n un o’r dyddiau tywyllaf yn nemocratiaeth Cymru ers 1997. Mae’r cynigion hyn yn gywilyddus ac yr wyf yn erbyn y cynigion presennol yn y termau cryfaf posibl.

Math o ymatebwr

Aelod o'r cyhoedd

Mae'r sylw hwn yn cyfeirio at

Yr ardal gyfan yn cael ei harolygu.