Sylw DBCC-8262

Dyma'r fersiwn wedi'i diweddaru sy’n cynnwys darn am frandio:

Rwy'n gwrthwynebu'n gryf y newidiadau arfaethedig i enwau etholaethau a amlinellir yn Adolygiad 2026 o Etholaethau'r Senedd. Mae'r newidiadau hyn yn codi pryderon sylweddol ynghylch eu heffaith ar gymunedau lleol, twristiaeth, brandio a hygyrchedd.

Hygyrchedd: Mae'n anodd deall neu ynganu llawer o'r enwau arfaethedig, yn enwedig i'r rhai nad ydynt yn rhugl yn y Gymraeg. Mae hyn yn creu rhwystrau i breswylwyr, ymwelwyr a busnesau. Dylai enwau etholaethau fod yn gynhwysol a hawdd eu hadnabod i bawb.

Effaith negyddol ar dwristiaeth a brandio: Mae Cymru'n dibynnu ar ddiwydiant twristiaeth ffyniannus gyda brandio clir a hygyrch. Mae’r enw "Pembrokeshire" yn gyfarwydd yn eang ac mae'n gysylltiedig ag ansawdd a hunaniaeth. Mae llawer o fusnesau yn ymgorffori "Pembrokeshire/Sir Benfro" yn eu henwau a'u brandio, ac mae'r newidiadau hyn mewn perygl o danseilio eu gwelededd, eu hygrededd a'u cysylltiad â'r ardal. Gallai ailenwi etholaethau ag enwau anghyfarwydd a chymhleth atal ymwelwyr a lleihau enw da cyrchfannau sydd wedi hen ennill eu plwyf.

Diffyg cyfiawnhad: Mae'r rhesymeg dros y newidiadau hyn yn aneglur. Mae'n ymddangos nad oes tystiolaeth gref i gefnogi'r angen na'u budd, gan arwain llawer i gwestiynu pwrpas yr addasiadau hyn.

Ar ben hynny, mae'r diffyg ymwybyddiaeth a'r ymgynghoriad cyfyngedig ynghylch y cynigion hyn yn destun pryder mawr. Nid wyf i nac unrhyw un arall rwy'n ei adnabod wedi derbyn gwybodaeth ddigonol, ac mae'r dyddiad cau ar gyfer adborth— 13 Ionawr 2025—yn prysur agosáu. Mae'r diffyg ymgysylltu hwn yn tanseilio'r broses ddemocrataidd a'r cyfle i gael cyfraniad cyhoeddus ystyrlon.

Rwy'n annog y Comisiwn Ffiniau i ailystyried y cynigion hyn a darparu negeseuon cyfathrebu mwy tryloyw ynghylch eu rhesymau. Dylai enwau etholaethau adlewyrchu hunaniaeth a diddordebau'r cymunedau y maent yn eu gwasanaethu, ac mae angen mwy o ymwybyddiaeth a chyfranogiad gan y cyhoedd ar gyfer newidiadau o'r math hwn.

Diolch am ystyried hyn.

Math o ymatebwr

Aelod o'r cyhoedd

Mae'r sylw hwn yn cyfeirio at

Yr ardal gyfan yn cael ei harolygu.