Sylw DBCC-8418
Annwyl Syr/Madam,
Hoffwn gyflwyno sylw personol ar y cynigion a fydd hefyd yn cael eu cyflwyno gan Blaid Lafur Etholaeth Seneddol Merthyr Tudful ac Aberdâr, rwy’n is-gadeirydd arni.
Nid oes gennyf unrhyw wrthwynebiad i ffin Etholaeth arfaethedig y Senedd.
Fodd bynnag, rwy'n anghytuno ag enw arfaethedig Etholaeth y Senedd ym mharagraff 10.5 o'r cynigion diwygiedig, sef:
“10.5 Mae'r Comisiwn yn cynnig yr enw unigol Merthyr Cynon Taf ar gyfer yr etholaeth hon. Mae'r Comisiwn wedi penderfynu bod yr enw yn dderbyniol i'w ddefnyddio fel enw unigol gan ei fod yn cynnwys enwau'r ddau awdurdod lleol yn yr etholaeth arfaethedig ac mae'n debygol o fod yn adnabyddadwy i breswylwyr. Mae Comisiynydd y Gymraeg wedi cytuno ag orgraff yr enw unigol.”
Mae mwy nag un lle â'r enw Merthyr yng Nghymru. Gellir dadlau bod pawb yn gwybod bod yr enw "Merthyr" yn cyfeirio at "Merthyr Tudful", ond nid yw hyn yn wir o reidrwydd. Er enghraifft, pan oeddwn i'n gweithio yn y Fenni, pan oedd pobl yn dweud "Ponty" roedden nhw'n cyfeirio at Bont-y-pŵl, ond yma ym Merthyr Tudful pan fyddwn ni'n dweud "Ponty", rydyn ni'n cyfeirio at Bontypridd. Mae'n bosibl bod yr un peth yn wir am bobl sy'n byw wrth ymyl lleoedd eraill sy'n cynnwys y gair "Merthyr" yn yr enw.
Gofynnaf felly i chi ailystyried enw Etholaeth arfaethedig y Senedd a'i newid i Merthyr Tudful Cynon Taf - gan ddefnyddio'r fersiwn Gymraeg ar gyfer pob rhan, yn unol â'ch canllawiau.
Byddwch yn ymwybodol bod yr enw Cyngor Rhondda Cynon Taf yn cael ei fyrhau'n lleol i RCT, ac mae'r un peth yn debygol o ddigwydd i etholaeth newydd y Senedd ym Merthyr Cynon Taf, ac y bydd yn cael ei fyrhau i MTC. Ni fyddai cynnwys un gair ychwanegol yn y teitl yn ei wneud yn anodd ei ddarllen, a byddai'n osgoi'r dryswch posibl oherwydd y tebygrwydd rhwng MCT ac RCT! Yn ogystal, mae teitl pedwar gair eisoes wedi'i gynnig ar gyfer ein hetholaeth gyfagos, Blaenau Gwent Caerffili Rhymni.
Yn gywir
Math o ymatebwr
Aelod o'r cyhoedd
Mae'r sylw hwn yn cyfeirio at
Yr ardal gyfan yn cael ei harolygu.